حاليًا أنا شخص ناضج، لما بـ بـبـص على اختيارتي زمان بـ تـنـاولها بـنضج
أنا كان عندي 19 سنة يوم ما قررت إني لازم أخوض علاقة جنسية
لأني ما كـنـتـش فاهمة يعنى إيه جنس
وما أعرفش يعني إيه علاقة جسدية، غير من الـلـي الإعلام بـ يوريهولنا.

وخليني أقولكم إن احنا بـ نعيش مأساة حقيقية، لا أب ولا أم واعيين بيها
سن المراهقة تُربة للتجارب
كل شيء فضول
وانا ما كـنـتـش مراهقة غبية، بالعكس أنا كنت واعية جدًا أنا بـ عمل إيه.

وبسبب وعيي ما كـنـتـش بـ صاحب أولاد
أنا كنت بحب ولد واحد من الثانوية، وكان محترم، وكانت علاقتنا حب عذري
بس الفضول كان دايمًا حوالين العلاقات
يعني إيه التقبيل؟ هو إيه إحساس إنك تبقى عريانة في السرير مع واحد؟
كل دي كانت أسئلة لشخص زيي مهم أفهمها.

لكن الموضوع ما كانش سهل كده
لما اتعرفت على ولد بمواصفات بصرية جيدة، وذكاء، وثقافة
وشخص "باد بوي" في نفسه
قررت إن هو ده الـلـي هـ عمل معاه علاقة جسدية استكشف بيها.

وبالفعل بدأنا نـتناقش في الموضوع، وقررنا إننا نعرف بعض علشان الجنس بس
هنا اتعلمت درس ما كـنـتـش أتخيل إني أتعلمه
اتعلمت إني مش نشطة جنسيًا
اتعلمت إنه استمتع أكتر مني في العلاقة
اتعلمت إن تم استغلالي، وما كسـبـتـش أي حاجة غير إحساس بالاستغلال.

جميل إن فيلم يعرض بنت بـ تعمل جنس فموى بحب، لشخص هو بـ يحبها
لكن البشاعة لما توصل لمرحلة تحسي فيها إنك أداة بـ تنزل على شخص علشان تمتعه.

الثقافة الجنسية مهمة لأن الاستغلال سهل لشخص ما عندوش خبرة
والأبشع من كده، عدم فهم البنت لجسمها.