ميستر خيري طلب مني أجي أقعد معاكم شوية ...
مين فيكم سأل الأستاذ خيري عن معنى الآية "وليحفظن فروجهن"؟؟
مين؟!

حبيبتي ما شاء الله كبرتي وبقيتي عروسة
عارفة أنا بـ ستنى اليوم ده من إمتى؟
من أول ما جبتك
من أول ما خلفتك وعرفت إني جبت بنت

كنا في أولى اعدادي، في مدرسة متشردة خالص اسمها عمر بن الخطاب
وحصل حادثة تحرش بمدرسة في فصل في سنة تالتة
والموضوع اتعرف
هي شافت الطلبة بـ يمارسوا العادة السرية جوا الفصل

في مرة كتبت مقال عن الختان،
فـكنت مع صديق بـ يقرا الموضوع، كان فيه رد فعل بارد كده وغريب،
وقعدنا نتكلم عن الختان، وقال لي إنه مش فاهم الموضوع أوي،
ومش فاهم إيه الـلـي بـ يحصل، وإزاي بـ يأثر على البنت.

وشرحت له شوية، وقولت إيه الـلـي أنا بـ حس بيه كوني مختنة

أنا ما كنتش أعرف أي حاجة خالص عن البيريود
ولما سألت كل اللي اتقال لي عنها هو تعريفها القاموسي:
الدورة الشهرية هي عبارة عن تغيير فيسيولوجي
يحدث للفتاة أثناء فترة البلوغ وعندما لا يحدث تلقيح للبويضة،
ما فهمتش أي حاجة.

فصلونا عن بعض، البنات في فصل، والولاد في فصل.
أنا قولت أحسن برضه عشان يشرحوا، ونسأل براحتنا، ونفهم.
لكن جت ميس أمنية بعد ما شرحت النص الفوقاني قالت:
"خلاص، أنتوا كده كده قريتوا الدرس لوحدوكوا في البيت".

المدرسة، الدورة الشهرية

يا بنتي ما احنا كلنا كنا بنات زيك
أنتِ فاكرة يعني إني ما كـنـتـش بنت زيك قبل ما أتجوز أبوكي؟
كلنا عدينا بنفس الحاجة،
بس كنا بـ نلعب رياضة، وناخد دُش ساقع

كان في مدرسة اسمها سهير أو سهام.
قفلت باب الفصل في حصة دين
وقالت كمية معلومات جبارة في ٣ دقائق وهي مكسوفة جدا.

بصوا يا ولاد، أنا طلَّعت البنات لأن فيه أكيد أسئلة شغلاكم، كل واحد ممكن يكتب سؤال في ورقة،
ويطبقها، وانا هرد عليهم ...
في سؤال هنا: إزاي أبطَّل العادة السرية….

أمي قعدتني، وقالت لي إنها محتاجة تـتكلم معايا في موضوع
وقَعَدِت تقول شوية كلام يكسف، ومش مفهوم
وانا بصراحة كنت بـ تغدا، فـ ما ركزتش معاها
"أنتِ كبرتي دلوقتي، وممكن حد يلمسك
إوعي حد يلمسك".

الوالدين، التربية الجنسية، الجنس