درس التكاثر
2014محدش كان بـ يحضر لحد ما جه درس التكاثر
وفجأة لاقيت الفصل كومبليه، وناس من فصول تانية جت حضرت معانا
لدرجة إني اكتشفت إني في ولاد بـ يروحوا درس العلوم في كل الفصول.
البحث
2015"ليه اختارتي موضوع البحث ده؟"
"لأني كنت عايزة أختار موضوع محدش اتكلم عنه وبـ يخافوا يتكلموا عنه"
"وانتِ بقي عينك واسعة وبجحة كفاية إنك تتكلمي عن الموضوع ده؟"
"أيوا حضرتك بس ده بحث علمي"
جارتي
2016مرة عرفت إن جارتي الـلـي كانت بـ تلعب معانا على السلم هـ تتجوز،
كانت يمكن حوالي 16 سنة
قالت لي: "أنا عندي حاجة، وجوزي هـ ياخدها مني ويـ رميها بكره الصُبح. ماما قالت لي إن أنا مش هـ توجع".
ما كنتش فاهمة يعني إيه جنس
2017أنا كان عندي 19 سنة يوم ما قررت إني لازم أخوض علاقة جنسية
لأني ما كنتش فاهمة يعنى إيه جنس
وما أعرفش يعني إيه علاقة جسدية، غير من الـلـي الإعلام بـ يوريهولنا.
نصائح لعروسة
2016
حبيبتي ما شاء الله كبرتي وبقيتي عروسة
عارفة أنا بـ ستنى اليوم ده من إمتى؟
من أول ما جبتك
من أول ما خلفتك وعرفت إني جبت بنت
بصي يا بنتي
2014
يا بنتي ما احنا كلنا كنا بنات زيك
أنتِ فاكرة يعني إني ما كـنـتـش بنت زيك قبل ما أتجوز أبوكي؟
كلنا عدينا بنفس الحاجة،
بس كنا بـ نلعب رياضة، وناخد دُش ساقع
فصلونا عن بعض
2012
فصلونا عن بعض، البنات في فصل، والولاد في فصل.
أنا قولت أحسن برضه عشان يشرحوا، ونسأل براحتنا، ونفهم.
لكن جت ميس أمنية بعد ما شرحت النص الفوقاني قالت:
"خلاص، أنتوا كده كده قريتوا الدرس لوحدوكوا في البيت".
أهم حاجة النضافة
2016
أهم حاجة النظافة
ريحتك تبقى حلوة، وقمصانك متظبطة
أنا هـ جي بكرة أبارك لك، عايزاكي ترفعي رأس أمك
هـ نيجي كلنا بكره نـ شوف.
مدرسة الدين
2016ميستر خيري طلب مني أجي أقعد معاكم شوية ...
مين فيكم سأل الأستاذ خيري عن معنى الآية "وليحفظن فروجهن"؟؟
مين؟!
الرغبات
2014
مش فايتِك كتير، الموضوع بجد مش مُسلي
مفيش أي نوع من أنواع المتعة
هو هـ يقعد يعمل بوشه حاجات غريبة، وانتِ قاعدة
وهـم 3 دقايق، أنتِ لو حطيتي مخدة مكانك ولا هـ يحس