أنا بكره حياتي

أنا بـ كره حياتي
أعمل إيه طيب؟ أعمل إيه؟
طب هي الناس ما بـ تـحـبـنـيـش ليه؟
أكيد فيا حاجة غلط.

أنا زهقت أوي من أهلي
ما أعرفش ليه الناس بـ تقعد تقول دايمًا الأيتام مظلومين،
الأيتام مش عارف إيه
عادي يعني، ممكن تكون حياتهم أسهل بكتير من غير أهل
أنا أصلًا مش عايزة أهلي دول
هم أصلًا بـ يعملولي إيه؟ أنا ما بـ قعدش معاهم
هم مش عايزين يسمعوا الكلام،
مش عايزين يسمعوا الحقيقة.

أنا قولت لكم كل حاجة على فكرة
أنا ما بـحـبـهـومش، ما بـحـبـهـومش علشان هم ما بـ يدونيش فرصة
لازم يبطلوا يتريقوا عليا، مش علشان أنا طيبة
بس علشان أنا بني آدمة زيهم، بس أنا طيبة بزيادة على فكرة
لازم كمان أبطل أئـتـب، لازم أتعدل
محتاجة أفرد ضهري أكتر من كده.

أوكيه، لازم أشتري كمان برا جديد
علشان أعرف أمشي فاردة ضهري، وامشي براحتي
بس أنا مش بـ عرف أمشي في الشارع براحتي أصلًا

هو ليه كل حاجة بـ طلبها من ربنا ما بـ تـتـحـقــقـش؟
أنا كل الـلـي طلبته إني أبقى عادية،
ويكون عندي صحاب، مش عايزة أكتر من كده
أنا بـ عمل إيه غلط طيب؟ المذاكرة؟
علشان أنا مش مفرحة أهلي يعني؟
طب هو أنا لو جيبت نمر أعلى،
ده هـ يخليني محبوبة؟ ولا مش هـ يخليني محبوبة؟

نفسي أتجوز بقى وامشي من البيت ده
مش عايزة أقعد معاهم أكتر من كده،
ما الناس كلها بـ تمشي وبـ تسيب بيت أهلها
أشمعنى أنا؟

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر