النوم صعب، الصحيان تاني يوم أصعب
"ليه؟ هو في إيه عشان كل ده؟"
"إيه الضغوط الـلـي عليكِ يعني؟"
"ماعرفش!"، دايما ده ردي.
أصل هـ وصف إزاي إني مش قادرة أتنفس؟
حاسة إن في جبل فوق صدري، وفي نفس الوقت مش مهتمة بحاجة
مش حاسة بحاجة
عايزة أصرخ، بس مش قادرة
بـ عيط؟ آه بـ عيط، بس ليه؟ مش عارفة.
أسهل حاجة تـتـقـال إنك أنتِ السبب في ده، وإن أنتِ الـلـي عاملة في نفسك كده
مين قال إني عايزة أكون كده؟
إني بـ بقى خايفة من مجهول، موجوعة من غير سبب
دماغي ما بـ تـقـفـش، نفسي في هدوء على الأقل جوا دماغي
عشان كده بـ نام، بـ هرب، بـ نسى، والدنيا بـ تكست شوية
بس حتى ده صعب.
لما بـ تـبـقـى مكتئب، بـ تعاني عشان توصل للنوم
وبـ تعاني أكتر عشان تصحى
بس على الأقل، في النوم مش بـ تـضـطـر تشرح مالك
ولا تسمح نصايح أنت عارفها
ولا حد حتى بـ يـلـومـك إنك غصب عنك مش كويس.