صباح الخير
أنا هنا زي صاحبتكم
أنا في المدرسة دي بقالي 35 سنة،
واسألوا عليا كل الناس اللي درسوا هنا،
وهم هـ يقولوا لكم عليا
أولا: بالنسبة للبنات،
أنا عارفة إن في سنكم ده بـ تبقوا فرحانين بنفسكم:
إيه ده أنا شعري طول! إيه ده مش عارفة إيه!
الكلام ده تنسوه خالص، مش هنا!
أنا عايزة اليونيفورم يكون جلابية،
تجيبي جلابية أمك تلبسيها هنا، بس المحزق لأ!
الشعر بقى، فوق راسك!
مش عايزة ألاقي خصلة واحدة منه نازلة... تمام كده؟
الناس اللى متعودين على المانيكير والباديكير
ده في بيت جوزك يا حبيبة ماما، تمام؟
بالنسبة للولاد، الشعر بالجل لأ!
ده لما تروح تشوف البت بتاعتك هناك
عندي أنا مفيش!
البنطلونات بقى المقطعة دي وكأنك طالع من خناقة،
دي برضه ما تنفعش معايا!
يالا اتفضلوا من قدامي
