جوايا شخصية تقليدية اسمها سعاد
بـ تحلم بـ the one والفرح، والعريس، وإلخ إلخ
بـ تعيش في الفانتازيا وتفاصيل الفرح
ولما بـ تسمع أغاني معينة، بـ تـتـخـيـل إنها بـ ترقص عليها في فرحها بالفستان الأبيض.
شخصية العريس بـ تـتـبـدل على حسب مين بطل القصة في الوقت الحالي الـلـي هي شايفاه مناسب
بس كل حاجة تانية بـ تـفـضـل زي ما هي
سكريبت من إخراج، وكتابة، وتصميم سعاد.
اسطوانة مشروخة اتلعبت في خيالي مليون مرة وزهقت منها
لدرجة إني فكرت مرة ألبس فستان أبيض، واعمل حفلة لوحدي
قلت عشان اصدم واسكِّت الناس
بس الحقيقة كان عشان أسكِّت واعالج سعاد من إدمانها لشريط فانتزيا الفستان الأبيض.
