الرجل الأشجع

الرجل الأشجع

كنت عايز أكبر بسرعة، واحس إني بـقيت راجل
كانت البنت من دول تبقى واقفة في الكُشك وهو زحمة
واقوم أنا رايح، لازق فيها من ورا
أكتر بنت عملت رد فعل، قامت ماشية من قدامي.

يمكن كتير منهم ما كانش فاهم أنا بـ عمل إيه أصلًا، ولا لازق فيهم ليه.
كنت تقريباً بـ سمعهم في سرهم
بـ يقولوا زحمة، وحاجة تقرف.
واحدة واحدة، بـقيت الرجل الأشجع في المدرسة،
الواد الـلـي ما بـ يخافش من حاجة.

كمان بقى عندي أصحاب أكتر،
عشان أنا بقيت مثلهم الأعلى في شجاعة المعاكسة.
بعد شوية، بقيت أجرأ إني أواجه البنت
يعني بقى في كلام قبيح ممكن أقوله لها في وشها.

أركب، أنط، طيزك جامدة
صدرك مش عارف ماله
حاجات كده يعني
بس عمري ما مديت إيدي
كنت أجبن من كده.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر