أنا مولودة عندي قورة كبيرة، والـلـي زود الموضوع إن شعري خفيف من قدام، وشبه دماغ محمد هنيدي كده قبل ما يزرع شعر
كنت دايمًا بـ لاقي تريقة من قرايبي ومن صحابي فـالمدرسة، ومن أهلي نفسهم
لما بـلـم شعري لورا، ألاقي بابا يقول لي:
"ما تحطي شعرك علي وشك يا بنتي، إيه القرف ده؟"
أنا لغاية دلوقتي مش فاهمة هـم كانوا عايزني أعمل إيه؟
أعمل عملية تجميل يعني؟
لما بـ قول لهم كده بـ يـفـضـلـوا يـقـولـوا: "مالها خلقة ربنا؟ ما هي حلوة"
ويرجعوا يـتـريـقـوا برضه ….. الله!
فضلت سنتين بـ عمل شعري بيبي ليس كل يوم تقريبًا
لغاية ما شعري وقع بطرق رهيبة، واقرعيت أكتر ما أنا قرعة.
قررت أمشي بشعري كيرلي، ماليش دعوة بقي بـمـيـن يقول لي منكوشة، ومين يقول لي قرعة
أنا ربنا خلقني حلوة، هـ حسِّن من خلقته ليه؟
فرقت أنا إيه من الـلـي بـ يـعـمـلـوا عمليات تجميل، ها؟
فـأحب أقول لـلـي بـ يـسألـوا:"أنتِ قرعة ليه؟"
أو:"منكوشة ليه؟"
لما ربنا ياخدك، أبقى اسأله خلقني كده ليه؟