أنا بقى أول تحرش ليا للأسف كان من أقرب حد ليا،
وللأسف برضه كانت بنت خالتي اللي أكبر مني بكام سنة
كانت في الصيف بـ تيجي تقعد معانا، وماما وبابا كانوا بـ يروحوا الشغل عادي جدا،
ويسيبونا لوحدنا في الشقة
وبنت خالتي دي بقي الله يسامحها،
كانت بـ تحاول تتحرش بيا وتلمسني من أماكن ما ينفعش تلمسني فيها.
وفضلت علي الموضوع ده سنين مش أيام
وانا كنت خايفة ومكسوفة أحكي لماما
كل اللي كنت بـ قدر أعمله إني أقول لماما إني مش عاوزة أروح عند خالتو،
أو أقول إني مش عاوزة فلانة تيجي تقعد معانا.
وماما كانت بـ تزعل مني علشان فاكرة إني مش عاوزة حد يجينا أو نروح عند حد.
ومن بجاحة بنت خالتي كانت بـ تهددني لو أنا ما عـمـلـتـش اللي هي عاوزاه،
اللي هو طبعا إني أسيبها تتحرش بيا، هـ تروح تقول لماما أنا بـ عمل معاها إيه،
وانا من تخلفي وانا صغيرة كنت بـ خاف واسمع كلامها أحسن ماما تعرف، وتضربني
انا دلوقتي بكره بنت خالتي دي وشبه مقطعاها