قالت لي إن كل الناس بتمشي في وقت من الأوقات،
اتأكدي بس وهـم ماشيين إنك محافظة على كرامتك، دي أهم حاجة.
عدى وقت على اللي حصل، كانت أوقات صعبة، ومريت بأحاسيس حادة جدًا
مش عايزة أفضل أتجاهل اللي بـ يحصل لي، واللي بـ يحصل حواليا
أغلب الوقت بـ حس إني غضبانة، وبـ حس بفراغ
بـ حس إني حزينة ولوحدي
كل اللي بـ فكر فيه هو:
ليه بـهتم بناس ما بـ تهتمش بأي حاجة تخصني؟
قابلته، وحسيت إني منجذبة ليه جدًا.
كان مثير وعنده قبول
إحنا الاتنين كنا مشدودين لبعض
نمنا مع بعض مرتين
لكن لما ده حصل، الموضوع كان مرعب
كان فيه دم في كل حتة
ما كنتش عذراء وما كانش عندي أي فكرة الدم ده جه منين
لكن لما ده حصل كنت هادية، أو ده اللي أنا فاكراه. بس هو اترعب
ما لمسنيش تاني أبدًا
ما قدرتش أبطل أسأل نفسي
ليه عمل كده؟
كانت غلطتي؟
لأ، ما كانتش غلطتي.
حسيت بالرفض وبإني زنانة وطفولية
حسيت إني مكسوفة من نفسي، وحسيت إني قليلة أوي