عايشين في مجتمع بـ يحدد أنت مقبول أو لا من وزنك، وخامة شعرك، ولون عينك، ودرجة بشرتك .
أكتر جمل اتكررت في حياتي: "قللى نشويات؛
علشان تلاقي حد يرضى يتجوزك"،
"أنتِ سمرا كده لمين؟ ما عندناش حد أسمر في العيلة، معلش".
ثبِت في دماغي إني لازم أتجوز حد معيوب علشان يقبل عيوبي.
ارتبطت كتير، بس برضه كنت كل مرة أسمع:
"لو خسيتي هـ يبقى شكلك حلو"، يعني برضه غير مقبولة.
حصلت المعجزة، ولاقيت إنسان يقولي: "أنا بحبك زي ما أنتِ،
ومش عايزك تخسي".
قعدت كتير أحاول أقنع نفسي إنه مش بـ يكدب عليا،
وحصلت المعجزة، واتجوزته .