أنا بقى بنت زي أي بنت، بس للأسف مجتمعي ما صـنـفـنـيـش على أساس إني زي أي بنت،
أنا للأسف عندي عيني حولة،
كمية الوجع الـلـي بـ حس بيها لما حد يقولي: "أنتِ حولة" -بشكل معايرة-،
أو على سبيل الهزار، ممكن حد في أصحابي يقول لحد تاني: "أنتِ حولة يا بنتي؟"
هي هزار آه، بس بـ تقطع من الكلمة دي مية مرة.
ده غير الـلـي تقولك: "أنتِ سايبة نفسك إزاي كده؟"
ممكن أكون بـ كلم حد، فـ يبص وراه، ياه على كمية الوجع الـلـي بـ حسها.
ده غير طبعًا الأطفال، و"أنتِ عينك عاملة كده ليه؟"
لجأت في فترة من حياتي للنضارة الشمس،
بس كانت مش بـ تنفع معايا بالليل،
فـ كنت بـ بص في أي حتة وانا بـ كلم الناس؛ علشان ما أتوجعش بدون قصد.