كنت ف تالتة ابتدائي وأختي أكبر مني بـ ٣ سنين،
قالوا لنا: "رايحين لدكتور نطمن عليكم"
طب ليه هو احنا تعبانين؟ محدش رد،
وصلنا مكان بارد جدا افتكر إنه كان مغلق، أو في مكان بعيد ومش مترخص غالبا.
بابا أخد أختي، وكان فيه ست قريبتنا معاه، ودخلوا الأوضة،
عمري ما هـ نسي الرعب ده، سمعت صويت وعياط وجملة "والنبي يا بابا الحقني".
اغمي عليا وفوقت وانا بـ يتقطع مني جزأ، ومش فاهمة ليه هـ موت من الوجع، والكسوف، والخوف، وحاسة بالغدر،
وانا صاحية من غير بنج أخدونا روحونا زي الخرفان،
ولحد دلوقتي بعاني من مضاعفات الختان
يا بابا الحقني
2019