مامي دايمًا من وانا صغيرة كانت تقول لي إن ربنا مش هـ يحاسبني على أي حاجة قبل البيريود،
وإن صفحتي بيضا؛ عشان أنا لسه قدام ربنا بيبي، ونضيفة، وبريئة،
بس أول ما تجيلي البيريود، خلاص، زيي زيها؛
بقيت ست، وكبيرة، وفاهمة، وبـ تحاسب على كل حاجة زيي زيها.
طبعًا كنت مبسوطة إنها ما جتليش، وأول ما جتلي ما كنتش عايزة أقول لها؛
عشان كنت متوقعة الرد الـلـي حصل بالفعل...
"أنتِ دلوقتي حبيبتي كبرتي، وبـ تتحاسبي زيك زيي"
وكلام يرعب مالوش أي تلاتين لازمة؛ عشان أنا كنت لسه صغيرة قدام نفسي،
مش حاسة لسه بفرق، بس مرعوبة من فكرة المسئولية المفاجئة.
كرهتني في حاجة طبيعية الطبيعي إنها تحصل لكل البنات، ومش لازم تكون مرعبة.
أنا كنت لسه في إعدادي، يعني طفلة برضه، وربنا عارف ده.