انا جاتلي البيريود متأخر أوي
كنت آخر واحدة تيجى لها فى المدرسة
كان عندي 15 سنة

مامي دايمًا من وانا صغيرة كانت تقول لي إن ربنا مش هـ يحاسبني على أي حاجة قبل البيريود،
وإن صفحتي بيضا؛ عشان أنا لسه قدام ربنا بيبي، ونضيفة، وبريئة،
بس أول ما تجيلي البيريود، خلاص، زيي زيها؛
بقيت ست، وكبيرة، وفاهمة، وبـ تحاسب على كل حاجة زيي زيها.

أنا كنت فاهمة، بس برضه مش فاهمة أوي؛

عمر ما ماما اتكلمت معايا، ولما جت لي ما عرفتش أقول لها؛

عشان أنا عمري ما عرفت أتكلم معاها في أي حاجة في الدنيا،

وهي عمرها ما احتوت ده.

كنت بستخدم أي قماش وأي حاجة تقابلني،

المهم إني أخبِّي إنها جت لي،

بدأت أعرف عن موضوع البريود وانا عندي تقريبًا 11 سنة،
وكنا في السعودية لما بقيت أشوف الأولويز عند ماما،
وأنا مش فاهمة هو إيه ده ولا بتاع إيه،
بس الـلـي أعرفه إنه كان بتاع ماما،
وإن ماما كانت بـ تحطه، ومش فاهمة ليه،
وبعدين هي قالت لي ليه، وأنا ما كُـنـتـش فاهمة.

أهلي شرحوا لي بالتفصيل الممل عملية البلوغ قبل ما تحصل؛
كانوا بـ يجهزوني نفسيًا علشان ما اتفاجئش،
في نفس الوقت بـ يمهدوا لي المسؤوليات الاجتماعية والدينية الـلـي بـ تتبع عملية البلوغ.
كرهت البلوغ، وكرهت جسمي بسبب المسؤوليات التابعة ليه،
والحدود الـلـي اتفرضت بسبب التغيير الجسدي الـلـي بـ يحصل.

مش فاكرة سني لما جت لي، بس فاكرة إني كنت في تالتة أو رابعة ابتدائي.
وفاكرة إني كنت متضايقة جدًا، وفضلت أعيط؛
عشان كنت خايفة إن حد يجبرني ألبس الحجاب بعدها، صحيح عمر ما أهلي أجبروني ألبسه ...

استنيت لحد ما رجعت البيت، وسألت بابا،
قولت له: "خالتي قالت كذا كذا،
وأنا مش عاوزة المرض ده يجيلي، أعمل إيه؟"
قال لي الأول إن ده مش مرض، دي حاجة ربنا خالقها في جسم البنات؛
عشان بعد كده لما تحب تجيب بيبي.

كنت في خامسة ابتدائي،
وكنت بـ شوف ماما كل شهر مع شراء أكل الشهر توزع على أخواتي البنات كيس شكله غريب،
وأخواتي يدخلوا أوضتهم، ويشيلوه،
وما كـنـتـش أعرف المكان الـلـي بـ يشيلوه فيه.
كان جوايا فضول غريب، وفي نفس الوقت ما ينفعش أفتش في حاجات أخواتي من غير إذنهم،

صحيت من النوم، كنت في خامسة ابتدائي تقريبًا،
بـ سمع عنها، بس مش فاهماها. صحيت لاقيتها،
ناديت على ماما؛ اتخضيت، قعدت تضحك، وإدتني أولويز،
وقالت لي عليها، واستخدمتها، وكنت متضايقة.
راحت قالت لبابا، وبعدين قالت لخالاتو؛ لإنهم كانوا عند جدتي في الدور الـلـي تحت،
والحمد لله كله عرف، وبقيت مكسوفة جدًا.

أول مرة اجتني كنت عارفة شو يعني دورة،
بس كنت برضه عارفة ومجهزة حالي إنه لازم أخبيها، وما حد يعرف.
خالاتي وخوالي كانوا يهينونا كتير واحنا صغار،
كان يحكوا إنهم رح يجوزوني للشاب الـلـي بـ نضف سياراتهم،
وأنا كنت أصدق، وأعيط.