عندي اعوجاج في الفك،
اتولدت بيه أنا وأخواتي،
هو وراثة، بس ماما وبابا عملوا لهم عملية تصحيح بدري فكان الموضوع سهل بالنسبة لهم.
فيه فرق سن كبير بيني وبين أخواتي،
لما اتولدت كانوا أهلي بـ يمروا بمشاكل كتير،
وما عرفوش يعملوا لي العملية.
مش بحب شكلي،
ولا بحب وشي،
مش بحب أتصوَّر من زوايا معينة،
بحس إني وحشة.
زمان كان بـ يجيلي تعليقات زي:
"إنت ليه وشك طويل أوي كده؟"
بس أنا ما كنتش واخدة بالي، وعمري ما فهمت لحد ما دخلت ثانوي.
بدأت أروح لدكاترة،
وحتى الدكاترة كانوا شايفين إني وحشة ومحتاجة أظبَّط وشي كله.
المدرسين بتوعي وناس تانية كتير كانوا بـ يقولوا لي إن أنا وصاحبتي شبه بعض،
كانت بـ تعترض فورًا وتقول إننا مش شبه بعض خالص،
الموضوع كان بـ يجرحني.
بس أكتر حاجة وجعتني هو تعليق قالته أقرب صديقة ليا،
لما قلتلها إني مش عاجبني شكلي في صورنا،
وقلت إني عايزة أقص شعري.
قالت لي: "لا إنت بس محتاجة تغيري وشك".
قعدت فترة طويلة عشان أتجاوز الجملة دي،
ولسه لحد دلوقتي مش بعرف أتصوَّر من زوايا معينة،
ولو شفت الظل بتاعي صدفة
كل اللي بـ فكر فيه هو قد إيه أنا وحشة.
كل يوم بفكر إني لو عملت عملية تصحيح الفك
هـ بقى جميلة وواثقة في نفسي،
بس المخاطر اللي بـ تيجي معاها مش مستاهلة أعرَّض نفسي لده.
وبـ دعي كل يوم إني أقدر أقبل نفسي وأحبها زي ما ربنا رايدلها.