أنا عارفة إني مش حلوة،
بس أنتوا طبعًا عارفين إن العرب بـ يموتوا في البنات البيضا،
الـلـي عينيهم خضرا ولا زرقا.
بالصدفة جيناتي خلتني كده، رغم إن أختي ما طلعتش زيي،
طول الوقت كانت بـ تسمع تعليقات في منتهى قلة الأدب بسبب ده،
بس دي قصة تانية بقى لوقت تاني.
المهم، رجالة كتير كانوا معجبين بيا من وانا صغيرة جدًا،
بـ يتقدموا لي، ويتمنوا لي الرضا أرضى،
وبـ يوعدوني إنهم هـ يعملوا لي كل الـلـي نفسي فيه.
الـلـي حصل بعد كده إني عملت حادثة بوَّظت نص وشي،
كل الوعود طارت في الهوا،
حرفيًا ما لاقيتش حد جنبي غير عيلتي، واتنين صحاب قُدام من أيام ثانوي.
الغريب إن بنات كتير كمان قطعوا معايا.
أنا مش بـ تكلم مع حد دلوقتي خالص،
ومش بـ هتم بشكلي أبدًا،
وبكره إن راجل يجاملني أو يقولي إن شكلي حلو.