أنا فاكرة اليوم بالظبط، كان يوم جمعة في شهر فبراير….
أمي كانت بـ تقول لنا من واحنا عندنا 10 سنين إن أول ما تيجي لنا هـ نتحجب؛
عشان الدين بـ يقول كده، فانا كان نفسي ما تـجـلـيـش خالص.
قعدت أعيط ساعتها كتير، واتمنيت إني أكون اتعورت، وإنها ما تـكـونـش جت لي.
ساعتها فضلت قاعدة أسبوعين ما بـ نزلش من البيت؛ عشان ما ألبسش الحجاب.
محدش شرح لي قبل كده هي إيه دي، وليه بـ تيجي لي،
أنا عرفت لوحدي بعدها بسنتين تقريبًا.
أعتقد الـلـي مخلي الجنس في مصر تابو، والكلام عنه شيء ما يصحش وعيب،
هو الـلـي بـ يخلي بنات كتير ما تبقاش فاهمة إيه ده، وبـ يخلينا خايفين.
آه بالمناسبة، من أسبوع بس قلعت الحجاب.