أنا عملت عملية لتصغير الثدي؛ لمجرد إني تعبت وزهقت من الكلام الـلـي بـ سمعه من ولاد أو بنات؛
أبقى ماشية في الشارع مع جوزي، واسمع كلام زي: "كل ده صدر"، و"يا بخته"،
وأنا أقول له: "ما تـتخانقش، مالهاش لازمة".
لحد ما بقى لازم يركن قدام أي مكان نروحه؛
عشان ما نـضـطـرش نمشي في شارع، نسمع فيه كلام يضايق.
بس هو عمره ما قال لي أي حاجة، هو عارف إني مراعية لبسي،
وإن الـلـي بـ يتكلم مش هـ يسكت.
لا، والبنات كمان، ما خلصتش من "مش عايزة توزعي علينا؟"،
"ده عادي؟ ولا عاملة حاجة؟"، وكله تحت بند الهزار السخيف،
وطبعًا أكيد في الشارع حصل تحرش للمس صدري،
في المواصلات، في الجامعة، حتى في الشغل،
بس الحمد لله من ساعة العملية -على قد ما كانت مؤلمة و صعبة-،
بس بطلت أسمع تلات تربع الـلـي كان بـ يتقال لي.