سبع سنين وبـ يعاكس

سبع سنين وبـ يعاكس

كان ولد عنده 7 سنين، وبـ يعاكس بإيده
أنا كنت مستغربة
إزاي الولد عرف المكان الـلـي في جسم الست، الـلـي بـ يتحط فيه الإيد
إزاي ده 7 سنين؟

أنا شخصيًا عرفت قصة الجواز دي وانا عندي 17 سنة في ندوة
وقبلها ما كنتش أعرف
الواد ده عرف القصة دي إزاي؟
يجري ورا البنت، ويمد إيده في المكان الفلاني.

طب أنا مسكت الولد
طب أضربه؟
إيه منظري كده وأنا بطولي ده، وبـ ضرب عيل صغير؟
الناس هـ تتلم تقول إيه طيب؟
آه صعبان عليا الموقف
بس الـلـي في إيدي طفل.


طب أنا عايزة أعرف إيه الاستفادة من اللمسة دي؟
بـ تشبع إيه عند الـلـي بـ يعملها؟
أنت بـ تدبحني أنا، وبس.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر