أنتِ مبسوطة؟
مبسوطة زى ما أهلك مبسطوين؟
بـ تحبيه؟
واثقة إنك هـ تفضلي تحبيه على طول؟
فيه حاجة اسمها إن حد يحب حد طول العمر؟
للأبد؟
عمري ما شوفت ده
ده كلام اتفرجنا عليه، بس مش موجود في الحقيقة
في لحظة ما، واحد هـ ياخد، وواحد هـ يدي.
أنتِ مبسوطة؟
حاسة بإيه بعد ما أخدتي الرخصة النهارده؟
هـ تقدري تعملي الـلـي أنتِ عايزاه؟
وتنزلي؟ وتروحي؟ وتيجي؟
طب مش خايفة ينام معاكي؟
وبعدها يلف يديكي ضهره، وينام من غير ما يحضنك؟
لو في يوم صحيتي، وما كـنـتـيـش مبسوطة
يا رب يبقى عندك الشجاعة تـطلبي الطلاق
ولو أنتِ أصلًا بـ تتجوزى علشان تـتطلقي، وتبقي حرة، وتعملي الـلـي أنتِ عايزاه
اعملي كده
مالكيش دعوة بحد.