حصلت 3 مرات تقريبًا،
حكاية أفتكرها منهم، حصلت لمدرسة الرسم.
كانت في الفصل في حصة احتياطي،
كانت الحصة السابعة أو السادسة،
والفصل في الدور التالت.
المدرسين كلهم بـ ييجوا في الحصص الأخيرة
يمضوا، ويمشوا، عشان يروحوا يشتروا خضار وكده.
أول ما الجرس ضرب الولاد قفلوا الباب،
أنا كنت في الفصل الـلـي جنبهم.
قفلوا الباب، وقفلوا الشبابيك كلها،
وهجموا عليها، وقطعوا هدومها،
وقعدوا يتحرشوا بيها بشكل فظيع.
أنا أخويا كان مدرس في المدرسة،
فـقال لي بعد ما حصل الكلام ده،
وقال لي: "ما تروحش المدرسة بكره
عشان المدرسة كلها هـ تِتعِبِط"
وبالفعل تاني يوم جمعوا الطلبة كلهم في المدرسة
وعبطوهم واحد واحد.