خشب الله

كنت في عيد ميلاد في ماكدونالز 
مش فاكرة كنت كام سنة بس كنت صغيرة، يمكن ١٠ مثلًا
كانت مزيكة أغنية ماكارينا شغالة،
والعيال اللي في عيد الميلاد بـ يرقصوا وأمي قاعدة
فضلت واقفة متسمرة مكاني
وبعدين أمي فضلت تقول لي:
"ارقصي ما تـبـقـيـش عاملة زي خشب الله كده!"

قمت ورقصت شوية
ودي كانت آخر مرة رقصت
بعدها عمري ما رقصت، ولا فرح، ولا عيد ميلاد
ولا حتى لوحدي
بـ تكسف أرقص قدام الرجالة
بس حتى الستات مش بـ رقص قدامهم
أنا حتى مش بـ رقص قدام نفسي
أنا ما بـ عرفش
ما بـ عرفش أرقص

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر