أنا حاليا في المدينة، كنت من يومين بـ طوف طوفة الوداع
وربنا أذن لي أصلي في حِجر إسماعيل
وانا خارجة من حجر إسماعيل، الدنيا بـ تبقي زحمة جدا
فجأة حسيت بإيد بـ تتمد من تحتي من ورا
كل الـلـي عليا إني لفيت وفضلت أضرب بالبـنـيـات الـلـي لاقيته ورايا، بصوَّت، وأقول له: "مش قدام الحرم يا كافر"
ألاقيه بـ يقول لي: "مش أنا، ده هو ده هو"
وبـ يشاور على راجل
أتاري على حظه الأسود بـ يشاورعلى شخص من أشخاص الأمر بالمعروف والنهي عن المنكر
وانا ما قدرتش أبطل ضرب فيه وكل الـلـي كان
بصوَّت وأقول له: “مش قدام الحرم يا كافر”
الغريبة إن شخص من ضمن الأشخاص الـلـي كانوا حوالينا بـ يقول
"انتِ إيه الـلـي دخَّلك في الزحمة؟"
وبعد كده، خدوه هيئة الأمر بالمعروف والنهي عن المنكر
واحد ضربه بالقلم، والتاني كان بـ يحضر نفسه لجلده.
بجد أنا من بعديها وانا مش طايقة الرجالة.