أنا كنت بـ كوي شعري على طول
وكنت مرتبطة، وبعدها ما حـصـلـش نصيب بينا
وبعد ما سيبنا بعض، قررت إني أربي شعري الطبيعي وابقى حرة بطبيعتي.
وقبلها كان عندي تلف بفظيع بسبب الحرارة من كوي سنين
وبالرغم من كده، وإن شكله كان وحش، كنت مُصرَّة أعالجه وارجع طبيعي.
وبالفعل نجحت بعد سنة ونص، ورجعت لـلـي كنت مرتبطة بيه زمان
وكويته مرتين عشانه، بس كان عارف إن شعري الطبيعي كيرلي، وإني بـقـيـت بيه.
في مرة بـ قول له إني جاية له بشعري الطبيعي
قال لي بالنص: "نعم! جاية بيه كده ليه؟
مش كفاية كيرلي؟ تيجي بيه ليه؟"
فـ قلت له: "أنت بـ تـتـكـلـم بجد؟"
وانا طبعًا مصدومة
لاقيته بـ يقول: "أيوا طبعًا بـ تكلم بجد، وحش والله، وحش أوي يا بنتي"
ساعتها ما أقولكيش أنا كنت عاملة إزاي، ولا مشاعري اتكسرت إزاي
وكرهت إني أشوفه تاني، لأنه بـ يـهـز ثقتي بنفسي ومش حاببني بطبيعتي.
أنا ممكن أستحمل تريقة ناس غريبة
لكن زوجي المستقبلي؟ لأ طبعًا
والموضوع انتهى.