"لازم تقعدي مربعة إيدك
ورجلك من تحت مضمومة، وفي ناحية واحدة
وفاردة ضهرك، وباصة قدام، أو باصة تحتك".
"لازم تبقي فاردة ضهرك بالشكل ده
ما تضحكيش بصوت عالي
لو عايزة تبتسمي، تبقى ابتسامة خفيفة،
ما تـفـتـحـيـش بُقك وانتِ بـ تـبـتـسـمـي
ما تبصيش لحد في عينه، خصوصًا لو ولد،
تفضلي قاعدة لامة رجلك كده،
ولو نملت، ممكن توديها الناحية التانية".
"اقعدي عدل زي الوردة كده
كل جسمك مقفول عليكي"
"بلاش ضحكات الرقاصات دي"
"لازم تقعدي ماسكة نفسك كده
أيوا، برافو، أنتِ كده محترمة في نفسك".
ما هي دي المشكلة
أنا مش عايزة أبقى محترمة في نفسي.