مش اكتئاب بالظبط، مش أحسن ومش أسوأ
دي بـ تختلف من تجربة لتجربة طبعا
بس الـلـي عندي اسمه "اضطراب ثنائي القطبية"
يعني ساعات بـ بقى في غاية الاكتئاب
وساعات بـ تـجـيـلـي حالات حماسة شديدة جدا ويوفوريا.
المشكلة إن دايما محاوطني ناس
وكتير منهم مش فاهمين أوي الاضطراب
وعشان كده، مش بـ يفهموا ليه فجأة بـ اكتئب جدا،
وليه فجأة بـ تحمس جدا
إزاي بـ يفوت عليا أيام بنام فيها ساعات طويلة جدا
وبتحرك بتقل وصعوبة شديدة
وبـ آكل كل الوقت
وفجأة، تفوت أيام بنام قليل جدا، وآكل قليل جدا
واخلص كميات شغل رهيبة في وقت قصير جدا
وبـ اتحرك بين الأماكن بسلاسة وطاقة.
أنا كمان ساعات ما بـ عرفش أتعامل مع نفسي
لكن هـ يكون أفضل لو الناس ما عامـلـتـنـيـش على إني مجنونة.