أنا ما عرفتش أحكى لحد خالص
كان عندى 12 سنة
كان بابا و ماما على طول مشغولين بأخواتى اللى فى ثانوى،
وانا ما كنتش مهمة خالص.
كان جارى فى بيتنا القديم وأكبر منى مش بكتير
اتصحابنا بسرعة أوى وبقينا بـ نقضى وقت كتير نتكلم فى التليفون.
احنا فى بلد ما ينفعش نخرج مع بعض.
فى يوم كلمنى وقالى إنه رجع من الجامعة وهـ يقعد شوية فى بيت أهله
قالى: "عايز أشوفك"
وانا كمان كنت عايزة أشوفه.
طلب منى أروح له البيت، رحت
أهله ما كانوش موجودين، بس قالى أطلع من غير صوت
علشان عمامة ساكنين معاهم فى العمارة.
طلعت له
مش عارفة إيه اللى فهمه إنى شرموطة أو جياله البيت علشان أنام معاه
بدأ يحسس عليا ولما بدأت أقاومة كتفنى وقطع هدومي
ونام معايا
أنا ما كـنـتـش فاهمة هو عمل إيه
وليه لما خلص سابنى ونزل.
أنا ما صرختش.
استنيت لما الوقت اتأخر وروحت
ما حكيتش لحد
أنا حتى مش عارفة أنا عذراء ولا لأ
هو انا اتعورت بس فى جسمى كله
بعد كام سنة بدأت أفهم إنه اغتصبني
أنا حاسة بالعار
كارهة جسمى
وكارهة إنى ما حـكـيـتـش
وما صرختش
وما أشـتـكـيـتـش