أمي وأبويا اتطلقوا بعد عشر سنين جواز
كنت بـ ستغرب الـلـي استحمل العشر سنين عشان الأولاد
حصل إيه عشان ما يكملش؟
لما كبرت واتجوزت
عرفت إن الطلاق بـ يحصل نفسيًا قبلها بكتير.
في كل مرة احتجت فيها يطبطب عليا
وسابني، أو كان مشغول عني،
في كل مرة حكيت له على الـلـي واجعني
وكان بـ يستهزأ بيا، أو يقلل منه، أو ما يحاولش يحس بيا.
في كل مرة كنت بـ تمنى يبقى رومانسي معايا،
ولو لحظات ويحسسني إني ست،
في كل مرة خذلني، وما أخدليش حقي من ناس أساؤوا ليا
ونزل من نظري كراجل.
في كل مرة كنت بـ عيط لما بـ شوف اتنين بـ يحبوا بعض
وجوايا الغيرة ملياني، لأني نفسي أعيش لحظات زي دي.
في كل مرة كنت بـ حس بيها بوحدة قاسية
حتى وانا نايمة جنبه،
في كل مرة وعدني فيها إنه هـ يبقى سند حقيقي، وما كانش
في كل مرة كنت بـ قول لنفسي أنا عايشة في الدنيا بطولي
مع إني في ضل راجل، المفروض.