أنا طول عمري تخينة بدرجات مختلفة، وحاليًا بـ عمل ريجيم، وبـ حاول آكل بشكل صحي،
وطول عمري بـ يتقال لي "خسي"، بغض النظر عن هوية الشخص، وصلته ليا.
لكن الأهم إن والدتي كانت طول عمرها بـ تقولي إني جميلة،
و"يا سلام لو خسيتي، هـ تبقي أحلى وأحلى".
وكانت دايمًا ترد عني في مواقف فيها تنمر، وعلمتني أرد عن نفسي،
وشوفت ناس لما كبرت، وشوفت إزاي حتى بعد الريجيم لسه شايفين نفسهم وحشين.
أنا فخورة جدًا بكونها أمي، وفخورة بكوني بنتها.
وحاليًا بعمل ريجيم؛ لأني عايزة صحتي أحسن، لكني حلوة، وهـ بقى أحلى.