كنت لما شعري يطول شوية والتمويج يبتدي يبان فيه كله يفضل يقولي:
"يا خروف"
"انت شبه الخروف"
حتي فالبيت بـ يقولوا لي: "روفي"
كنت بحب شعري أوي وهو طويل بس كان لازم أحلق كل شوية عشان ما يبانش إن شعري مجعد
أول يوم جامعة دخلت السـيـكـشـن متأخر فالدكتورة وقفتني وقالت لي:
"مال شعرك عامل كده ليه؟ انتوا ما عندكوش ميه تغسله؟"
اتحرجت جدا بس عملت نفسي بضحك.
أنا برا مصر بقالي أربع سنين دلوقتي، آخر مره دخلت عند حلاق كانت من أربع سنين
الناس كلها هنا معجبة بشعري خصوصا صاحبتي وأهلها ..
لما برجع مصر بفضل لابس طاقية طول فترة الأجازة مهما كان الجو حر ومقرف،
مش عايز حد يقولي يا خروف تاني ...