قالت لي: "ربنا ما يخـسِّـرِك تاني"
الدعوة دي بحبها أوي
لأن الـلـي جرب الخسارة بـ تبقى صعبة أوي
مأساة كبيرة يعني.
افتكرت لما دعيت لمحمد.
لما بـ سمع مثلًا عن مركب غرقانة، أو راجل يتدفن بالليل
ده بـ يقلب الشريط كله من أوله لأخره.
حياتي كانت صعبة جدًا.
بس مش عارفة كان اختيار غلط ولا صح
الاختيار إني جريت ورا الحب، كان صح؟
ولو كان عندي بنت ماخليهاش تجرب الـلـي أنا جربته؟
ولا تمشي ورا عواطفها؟
في الأول، كانت حياتي جميلة.
كنت عايشة بحرية، وكنت في مكتب محاسبة.
كانت حياتي حلوة أوي، وكنت بحبها،
قعد سنين بحب ابن عمي،
وأهلي كانوا بـ يقولوا لي سيبيه،
وأنا الـلـي ما كنتش عايزة أسيبه.
أنا لما اتجوزته -الله يرحمه-، كانت حياتي أحلى
عوضني كتير، بس ربنا وما يشاء
دلوقتي مشكلتي مع حماتي
دايمًا مهما بعدت عنها، بـ تلاقيها تلف تلف، ومعايا في أي حتة.
بـ تمنى من ربنا إني أفكر في أهله، قبل ما أفكر فيه هو