عندي 21 سنة
بدأ الإحساس بالفراغ من سنتين
بيقولوا إني كنت حد بـ يضحك دايما ونَـشِـط.
دلوقتي كله اتغير
بقيت شاحبة، لوني باهت أوي
كلامي وضحكتي فيه حاجة ناقصة
في حاجة بـ توجع
حاجة ضيَّعت إحساسي بكل حاجة
حتى أقرب الحاجات لقلبي بطَّلت أعملها
بقيت بـ عمل كل حاجة لأنها مفروضة عليا
مش باكل، خسيت 45 كيلو في 3 شهور
الناس كلها بـ تقول لي برافو، حلو، عشان زمان كنت تخينة
بس كنت بضحك.
أنا بـ كتب قصص، وبـحب الرسم
بس بقيت مش قادرة أعملهم.
حياتي بقت باهتة أوي، كأنها لوحة أتدلق عليها ميه
ما بـقـتـش باينة.
ما كـنـتـش بـ نام
عينيا بـ توجعني، وبـ عيط بهدوء وصمت بدون أي صوت.
روحت لدكتور على أساس إن أكيد في حل
كان رده بارد ومالوش طعم
"معلش، هـ ديكي منوم وإن شاء الله كل حاجة هـ تبقي حلوة. جربي تعملي حاجة جديدة"
رديت إني جربت كل حاجة
أنا سافرت أكتر بلد كان نفسي أروحها، وما كـنـتـش مبسوطة
كان عادي، مش حاسة بحاجة.
رحت مرة تانية للدكتور، قال لي:
"معلش، ما عـنـديـش حل ليكِ"
وبس.
قررت أتعايش كده، باهتة.