أنا مش تخين، بس عندي كِرش بالوني عجيب، عارف الـ كرش البيرة؟ هو ده،
بس والله، والله، عمري ما دوقتها حتى،
أنا طولي 175 سم، ووزني وصل للـ 80 دلوقتي،
مش بـ تخن من أي مكان غير من بطني، عبارة عن بالونة هوا منفوخة جامد.
مؤخرًا غيرت مقاسي من ميديم للارج، أو ساعات إكس لارج؛
علشان أداري على البالونة الـلـي عندي،
بس للأسف برضه في ناس بـ تقول لي عبارات زي:
"إيه الكرش ده يا ابني؟"، وكلام محبط كتير لسه.
بـ فكر أكشف الأيام الـلـي جاية، مش فاهم الموضوع مَرَضي ولا من أكل الشارع الكتير،
بس البالونة مستمرة في الزيادة.
المشكلة أصلاً في البداية من لعبي 15 سنة هوكي،
لعبة بـ تحتاج إنك تكون موطي ضهرك، وده سبب لي انعواج في العمود الفقري،
فأي كيلو زيادة في بطني بـ يبان بشكل مش طبيعي بعد ما بطلت رياضة.
مش مبسوط بجسمي، بس مفيش وقت كافي أعرف أظبطه،
ومفيش نظام أكل بـ يساعد كمان،
مش مبسوط بجسمي، بس كمان مش بـ كون مبسوط بكلام الناس،
وعامة الانعواج الـلي في العمود الفقري ده مخليني كيرفي،
وأمتلك أرداف سيكسي غريبة، وحشة أوي.
في مرة واحد صاحبي قالي:
"أنا مش فاهم إزاي أنت رفيع، وعندك كرش وطيز كده؟"
أعتقد كده كفاية.