كنت لما شعري يطول شوية والتمويج يبتدي يبان فيه كله يفضل يقولي:
"يا خروف"
"انت شبه الخروف"
حتي فالبيت بـ يقولوا لي: "روفي"
كنت بحب شعري أوي وهو طويل بس كان لازم أحلق كل شوية عشان ما يبانش إن شعري مجعد

أنا كنت بـ كوي شعري على طول
وكنت مرتبطة، وبعدها ما حـصـلـش نصيب بينا
وبعد ما سيبنا بعض،
قررت إني أربي شعري الطبيعي وابقى حرة بطبيعتي
رجعت لـلـي كنت مرتبطة بيه زمان، وكويته مرتين عشانه
في مرة بقول له إني جاية له بشعري الطبيعي
قال لي بالنص: "نعم! جاية بيه كده ليه؟"

أنا بشرتي سمراء، وبحبها جدًا، ومن مصر، وأصلي نوبي، بس مش عايشة هناك.
بس عمري ما خلصت من تعليقات الناس في الشارع، أو المدرسة،
أو أي مكان بـ روحه،
زي: "شيكابالا"، "أعوذ بالله"، "هي مالها محروقة كده ليه؟"
العنصرية، التنمر، معايير الجمال، الجسم 

مرة مُـدرسة كانت هـ تـخـلـيـنا نمثل مسرحية
والدور بتاعنا أنا وأصحابي كان لبنات شعرهم كيرلي أصلًا
بس المُـدرسة غيرتها برضه، وجابت بنات شعرهم ناعم
وقالت هـ تـلـبـسـهـم باروكة كيرلي.

أنا بـ كرهك.
بـ كره كل حاجة فيك …
لونك وحجمك وتفاصيلك.

صدقني أنا حاولت أتقبلك مليون مرة بس ما عرفتش…
مش عارفة أضحك على نفسي كتير.

كنت دايماً بـ قول في نهاية كل جملة … "لما أخس"
هــ بقى نشيطة أكتر
لما أخس… هـ لفت انتباه الراجل اللي أنا عايزاه
لما أخس… هـ بقى أشطر في الشغل
لما أخس... هـ روح مناسبات اجتماعية أكتر
لما أخس... هـ مثل في أفلام ومسرحيات أكتر

معايير الجمال، الضغوط الاجتماعية، الجسم

عيلتي كلها شعرهم ناعم ومفرود
أنا الوحيدة اللي شعري كان كيرلي
كانوا على طول يقولوا لي: "جايبة الشعر الوحش ده منين؟"
مامتي ما كانـتـش بـ تعرف تـعـتـنـي بيه
الناس كلها كانت بـ تـمـدح أختي وجمال شعرها
وأنا، بـ يـبـصوا لي بصة شفقة.

شعري الكيرلي كان كأنه مرض
كل الناس أشفقوا عليا بسببه
كل الناس عرضت عليا تساعدني أظبطه
شعري اتعرض لكل حاجة ممكنة:
كيماويات، وماسكات شعر، وزيوت، وكريمات، وعلاجات روحية غريبة

كل يوم بحس بالذنب تجاه بنتى …
أنا للأسف فى فترة فى حياتى كنت باخد ناس معينة قدوة،
وكنت شايفة إنى لازم أعمل زيهم، ومنهم واحدة من قرايبى.

شكلي واقف بيني وبين خشبة المسرح
لدرجة إني فكرت أعمل عمليات تجميل علشان
أكسر الحاجز والقالب اللي محبوسة فيه ده
أنا بـ تعلم أكتب مسرح علشان أكتب عن نفسي وأمثلها