أنا مش محور الكون عشان أي حد يركز معايا …
ليه دايما بـ قابل انتـقادات من الناس اللي عايشة معاهم، ومن العالم الخارجي على حاجات مالهمش دعوة بيها، حاجات خاصة بيا أنا وبحياتي الشخصية؟
وكأن لو ما قالوش كلام يوجعني ويهز ثقتي في نفسي هم اللي هـ يتوجعوا مش أنا
من وانا صغيرة كان أخواتي دايما بـ يضايقوني بـ "يا تخينة"
أنا ما كنتـش تخينة أوڤر، كبرت وبقيت بـ خس حفاظا على نفسيتي.
وعشان عشرية وبـحب أتعامل مع الناس وأضحك لهم كانوا بـ يضايقوني بأي حاجة
"انتي جميلة أوي، بس محتاجة تخسي شوية "
وطنط اللي بــ جيب منها ميه وانا طالعة الچيم
قالت لي: "إيه ده مش هـ تخسي"،
وبابا: "محدش هـ يـبصلك ويتجوزك عشان تخينة، الراجل ما بـ يحبش التخينة"
كرهت الرجالة وكرهت نفسي واكتـئبت،
أخس واتخن واخس واتخن، بسبب إني لما بـ خس بـ يقولوا لي:
"وانتي تخيـنة شكلك أجمل"