كنت فى الأول ممكن أسكت، ولو مثلا راكبة الأتوبيس وحد عمل حاجة بـ اقوم أغيَّـر مكاني
لكن دلوقتى لأ
ما أعرفش ليه، جايز من كُتر الخنقة
مرة واحد حاول يلمسنى، قمت فضحته
لكن لاقيت بنت تانية قاعدة مستنكرة جدا الـلـي أنا عملته
وشايفة إن كفاية أوى إنى أغيّر مكاني، ومش لازم الفيلم ده
قلت لها: “فيلم؟ انتِ شايفة إنه فيلم؟
يعنى عادى إنك تبقى قاعدة كده وفجأة تلاقى واحد مادد إيده وبـ يحسس عليكي؟ ليه هو أنا مداس ولا مكتوب عليا يافطة اتفضل مكان للتحسيس!"
*القصة اتعرضت في:
بصى 2009 - القاهرة