أنا بـ قول يعني دي حاجة ما تـعـيـبـش البني آدم
أنا ما كـنـتـش آداب ولا أي حاجة تانية
ما اتـحـبـسـتـش في حاجة تغضب ربنا
أنا اتخانقت مع جارتي عشان عـايرتـنـي
بس أنا مش هـ يفرق معايا حتي لو جابت ميكرفون وقالت في الشارع
لأني ما عـمـلـتـش شيء غلط
أنا عملت حاجة عشان ابني محدش يسيء له بأي كلمة لأنه يتيم
ده والله حتى ما عـمـلـتـلهوش شهادة ميلاد، أنا سجلت اسمه في دفتر المواليد بس
أنا واخداه من عند ناس ومامته وباباه ميتين في حادثة
أخدته منهم عن طريق الشؤون الاجتماعية
ما الدنيا كله بـ تـتـحـبـس
ما انت عندك حسني مبارك وأولاده وعندك سيدنا يوسف
أخواتي بعدوا عني، وجيراني حطوا في دماغهم إن الحبس ده فيه حاجة
هم مش فاهمين إني محبوسة عشان ابني
بس هـ عمل إيه هي الناس مخها كده من ناحية أي حد بـ يتحبس في أي شيء كان
وبعدين أنا خارجة من 2007 ليه بقي يحطوها في الفيش والتشبيه لغاية 2019 يعني 12 سنة؟
كان بـ يقولوا السابقة بـ تتحط على الفيش 3 أو 4 سنين،
أنا اتحـطت لي 12 سنة على إيه؟ على تسع شهور أنا اتحبستهم …
حبـيت أشتغل ما عرفـتـش بسبب السابقة ...
ما كفاية القرف والذل اللي الواحد شافه في السجن، يبقي قرف برا وقرف جوا،
وحبسة جوا وحبسة برا؟