كنت في الكلية خلصت سكشن وماشي،
لاقيت حد من الأمن مسكني وقال لي:
"احنا بـ نجمع الناس النضيفة المحترمة!"
أنا حسيت إن فيه حاجة غلط …
وأخدني أنا وغيري علي مكتب وحبسنا فيه …
وقال للحارس برا "مش عايز حد فيهم يخرج".
ودخلني بعدها بدقيقتين عنده في المكتب وقفل الباب بالمفتاح.
كان فيه بنت جوا ومعاها باباها وكل عمال الكلية.
وراح سألها سؤال: "هو ده؟"
مش قادر أنسى النظرة اللي كانت في عينيها ...
قد إيه كانت حزينة ومكسورة.
أنا فهمت وقلت لو قالت آه كل المكتب هـ ينزل فيا ضرب…
بس هي قالت: "لأ التاني كان طويل"