أول مرة جت لي كنت في خامسة ابتدائي،
كنت قاعدة على الكمبيوتر، وفجأة بطني وجعتني أوي، ولاقيت دم.
حطيت مناديل كتير، وقعدت أعيط، وبعدها ماما لقيت الشورت،
وقالت لي: "أنتِ ما قولـتـيـلـيـش ليه؟"
ما كـنـتـش عارفة أرد؛ لأني عمري ما كنت مصاحباها، أو علاقتي بيها قريبة.
إدتني بادز، وقالت لي: "حطي دي"، وبس كده.
بعدها لما سألت صحابي في المدرسة،
قالوا لي ده الدم بتاع الجواز، أو بتاع الخلفة، فما فـهـمـتـش.
ولما سألت ماما، ضربتني بالقلم، وقالت لي: "أنتِ وسخة".
ودلوقتي لو اتأخرت حبة بـ تعاملني وحش أوي،
وكل شوية تقول لي: "جت ولا لسه؟"، وبـ تبص لي بطريقة كده زي ما تكون شاكة فيا.