التجربة دي خسرتني شغلي
خسرتني إني أعرف أتصرف وأجيب فلوسي اللي في السوق وأديها للناس
ضيعت لي حاجات كتيرة
لما دخلت المكان ده خسرت خسارة مادية
واللي كسبته إني ما أثـقـش في حد أبدا
جوا برضه فيه ناس شبه الناس اللي كنت بـ تعامل معاهم برا
وما كـنـتش واخدة بالي من نياتهم ولا تصرفاتهم
يمكن لأن المكان كبير برا وواسع، لكن المكان جوا محدود وسهل تعرفي نفسية كل واحد
لما خرجت قعدت تقريبا 3 سنين ما أتعاملش مع حد غير أمي وأخويا وأولادي
ما خرجتش البلكونة، وحتى ما ردتش على التليفون
تقريبا علاقاتي بقت سطحية جدا، وقطعت علاقتي بكل الناس اللي كنت أعرفها
كان ليا فلوس كتير في السوق جزء أخويا عرف يجيبه،
وجزء محدش رضي يديهوله لما عرفوا إني اتحكم عليا بعشر سنين.