كنا في طريقنا من قنا للأقصر،
وكنا راكبين في أول كرسيين بعد السواق، وجنب السواق واحد صاحبنا.
وكان راكب ورانا رجالة عجوزة في سن الـ 56 كده
المهم اتحركنا وفجأة لاقيت صاحبتي بـ تقولي: "أنا حاسة بحركة غريبة"
قلت لها: "يا بنتي أكيد أنا عشان بـ تحرك كتير"
قالت لي: "لأ أنا حاسة بحركة والله"
هديت شوية وقالت لي: "أنا مسكت صوابعه بايدي والله"
أنا اتخضيت لأن الراجل اللي وراها على طول كان راجل كبير فاستحالة يكون هو،
واتخضيت أكتر لما بـ تسألني على أساس إني قوية وكده وهـ تصرف،
وانا عمري ما شفت موقف تحرش كده، فسكت.
وهي أول ما حست فضل يقرب ويقولها "والله ما انا والله ما انا".
وفي حتة مقطوعة وقف السواق فجأة والراجل هـ ينزل
لاقيت صاحبتي بـ تقوله: "إيه ما لسه بدري ولا عشان خلصت وفاكرني هـ سكت؟!
لا تبقى غلطان!"
وصاحبنا نزل، وضربه وكان هـ يموت
وكل العربية تقولها: "يا بنتي خلاص زي أبوكي وراجل كبير معلش".