وأنا صغيرة ماما قالت لي إن الحتة العيب اللي عند البنت اسمها العلبة اللولي
واللي بـ يفتحها العريس
لما كبرت شوية وأخدنا درس التكاثر
رحت سألت ماما وقالت لي نفس الكلام اللي قاله لنا ميستر محمود
قالت لي إن البيبي بـ ييجي
لما الحيوان المنوي اللي عند الراجل
يقابل البويضة اللي عند الست
"طب بـ يتقابلوا فين يا ماما؟"
دخلتني أوضتها وقالت لي:
"بـ يتقابلوا هنا عند الكومودينو!"
ولما كبرت شوية ودخلت ثانوي ونزلت الشارع لوحدي
ابتديت أسمع الشتيمة إياها بتاعة "كسمك …"
فسألت هو يعني إيه يا جماعة؟
فقالوا إن الحتة العيب شتيمة!
إيه ده! يعنى الحتة العيب ما طلعتش علبة لولي؟!