شافني ومشي عادي

أول مرة كان وانا فى أولى إعدادى.
كنت مضفرة شعرى وماشية ببالطوا المدرسة الرصاصى،
وهو كان على موتوسيكل،
جه من ورايا مسك my ass.

بطلت أروح المدرسة وقتها.
ما كنتش أعرف إيه يعنى التحرش، بس كان فيه قضية اغتصاب مشهورة على التليفزيون.
فكنت فاكراه اغتصبنى.
ولما استجمعت قوتى ونزلت الشارع كنت بـ تحامى فى الستات فى الشارع.

والمرة اللى أسوأ من كده لما مدرس فى مدرستى بس ما يعرفنيش،
شافنى وانا بـ حاول أضرب متحرش، والمتحرش كان أقوي منى،
وما عرفتش أضربه، والمستر شافنى ومشى عادى،
كل الشارع شافنى ومشى عادى

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر