أبويا كان لازم يلاقي حاجة يزعق لي عشانها
يا الطبق مليان بزيادة، يا الشاي تقيل، يا بارد
حتى لو الدنيا برََّدِت، والشباك كان مفتوح حته بس، كان يزعق
علشان كان مفروض أبقى عارفة إنه بـ يـبرَد.
كنت بـ نام كل يوم معيطة ومكسورة
ما كانش عندي أي حد أشتكي له
حتى أمي الـلـي اتطلقت منه، كانت دايمًا تقول لي:
"كتر خيره إنه بـ يصرف عليكي أنتِ وأخواتك،
واحد غيره كان زمانه شاف نفسه واتجوز".
حتى لما كبرت، مش بـ حكي لحد
كلهم ما بـ يسمعوش حاجة غير "دي مُعقَّدة"
ما بـ يسمعوش إني عارفة الـلـي بـ تكلم فيه،
لما بـ تكلم عن قسوة الرجالة في البيوت.
ما بـ يـشـوفـوش إني بـ حاول أحمي بنات تانية من نفس الوجع والكسرة الـلـي شوفتهم.
بـ يقولوا "مُعقَّدة" وخلاص
علشان يريحوا نفسهم من إنهم يواجهوا إن ده موجود في بيوت كتير،
وإن الفرق بس هو إني قررت أتكلم.