امبارح في الشارع كنت مـسـيِّـبـة شعري
ما كـنـتـش حَاطَّة فيه توكة
وكان هايش شوية وكيرلي
واحد قاعد على موتوسيكل، جه قال لي: "شعرك معفِّن."
طول ما انا ماشية في الشارع بـ سمع حاجات زي "شيكا"
نفسي أفهم إيه العلاقة بين شيكا والشعر الكيرلي
وبـ سمع تعليقات عنصرية بسبب لوني
مرة طفل صغير قعد يقول لي: "شيكولاتة شيكولاتة" زي الأغنية الـلـي في فيلم هنيدي.
بشرتي الغامقة مش حاجة وحشة
أنا أصلًا لوني هو اللون المصري يا جماعة
أنا مش African-American
وطبعًا مش حاجة وحشة إني أكون African-American
بس الناس الـلـي بتقول التعليقات دي مش بيضا فاقعة عـشـان أكون أنا بالنسبة ليهم حاجة غريبة، وما يـقـدروش مايـعـلـقـوش
وبتطلع من مصريين يمكن نفس درجة اللون
فمش بـ فهم ده بـ يـيـجـي منين.
لما بـ تطلع من طفل بـ حس بالشفقة
عــشـان بـ يـعمل الحاجات دي من غير ما يفهمها
وهـ يـفـضـل يعملها.