اليوم من أوله كان كـله بصات وكلام عن صدرى واحتكاكات، وناس بـ تخبط وتـقـفـش … ومد إيدين واوطى أجيب حاجة الناس كلها تبص على صدرى ...
أول تاكسى:
"جاردن سيتى؟"
"هو فيه حد بالجمال ده يتقال له لأ"
"نزلنى علي جنب"
تانى تاكسى
"الجميل جى من الساحل ولا الغردقة؟"
"نزلنى على جنب"
تالت تاكسى
"انت طالبة بقى ولا متخرجة؟"
"نزلنى على جنب"
رابع تاكسى اختلف معايا على الأجرة تحت بيتى
وفجأة لاقيته اتلفت وبـ يقولى:
"يا بنت الكلب يا شرموطة"
ولسه هـ يمد إيده فانا لحقت نفسى ونزلت من التاكسى وناديت البواب
وبوابين المنطقة اتلموا وفجأة اتحولت لمواطن درجة تانية
ومحدش سامعنى وانا بـ قول إنه شتمنى وكان هـ يمد إيده عليا
حسيت إن أنا مش موجودة
"اسكتى احنا الرجاله بـ نتكلم"
"روحى انت عايزة إيه؟ مش احنا جينا"
"اطلعى انت"
"روحى"
"الرجاله واقفة بـ تتكلم"
حسيت إن أنا أقل من كل واحد واقف بس علشان ما عنديش بتاع