أنا مُطلقة من 5 سنوات
أم لبنتين، عمري 39
بنت 17 والتانية 13
عايشة مع بابا وماما في البيت
بـ شتغل في مجال الجمعيات الأهلية من 8 سنوات.
جوزي كان مريض نفسي بمرض أصبح مُزمن بعد شوية
بسبب جين وراثي
وظهر عنده بسبب تعاطي المخدرات.
عشت معاه حياة صعبة، ووقفت جنبه كتير جدًا
من دخول مستشفى، وجلسات، وحياة اقتصادية ضعيفة جدًا
بس فى لحظة، قررت أطلب الطلاق لأنه ما كاـنـش عنده إرادة للتغيير.
أنا بـ ربي بناتي، وبـ صرف عليهم
وشايفة إني سينجل مازر(أم عازبة) ناجحة لحد كبير.