عايزة أسيب البيت

كنت عايزة أسيب البيت، واعيش لوحدي
فأبويا عشان يمنعني، قفل باب البيت بالمفتاح
وطلع يجري ورايا في الشقة، وأمي ورانا.

"حرام شرعًا بنت تقعد لوحدها في البيت"
"طب خالتي قاعدة لوحدها"
"ما لاقـتش حد يتجوزها، نصيبها"
"ما أنا مفيش حد عايز يتجوزني"
"يبقى تفضلي في بيت أبوكي".

"طبعًا ما أنت متدلعة
طالعة تـ تكلمي عن حقوقك
إحنا غلطانين إننا دخلناكي مدارس بـ تفتح المخط
جوز عمتي : "لأ دي أكيد هربانة مع واحد
هو لف عليها، وهي أكيد عايزة تسيب البيت تروح تقعد معاه"
عمتي : "لأ، دي أكيد معمول لها عمل
أنا أعرف شيخ كويس، هاتيه كل أسبوع يقرا لها
وهي هـ تبقى زي الفل".

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر