أنت عايزة تشتغلى ليه؟

أنت عايزة تشتغلى ليه؟

كان بـ يعمل معايا انترفيو وفي النص سألني:
"أنت عايزة تشتغلى ليه؟"
"بـحب الشغل"
"بـ تتمايصى يعنى!"
ما عرفـتـش أرد …

هو: "طيب انت هـ تشتغلى، ده رقم المدرسة وده رقم المكتب البرايفت بتاعي تكلميني في أي وقت من الساعة كذا للساعة كذا"
وطلب مني ما أقولش لأي حد على الرقم
اتصلت بيه، اداني ميعاد تاني يوم وما كانش فيه أي حد في المدرسة …
ما اتكلمش في الشغل.

قعد يشتكي من الدنيا والناس والنسوان ويشتم …
وبعدين حط إيده على كتفي ولما وقفت حاول يحضنني …
قعدت أعيط
"أنا عايزة أمشي، أنا عايزة أمشي"
"اهدي. اسكتي علشان ما أمدش إيدي عليكي! قلت لك اهدي بـ كره الصوت ده! اهدي! احنا هـ نروح رمضانا نشرب حاجة ومش هــ لمسك، بمزاجك بمزاجك.
أنا ما بحبش أعمل حاجة غصب عشان ما تـقـرفـيـنـيـش وتعيطي والجو ده"

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر